קענסט מיך הערן?
Can You Hear Me?
פֿון שׂרה־רחל שעכטער
אַ דאַנק דעם פּראָגרעס אין דער מעדיצינישער טעכנאָלאָגיע, קאָן מען הײַנט אַרײַנשטעלן אַ הער־אַפּאַראַט אונטער דער הויט בײַם אויער פֿון אַ טויבן מענטש און דערבײַ דערמעגלעכן אים צו הערן. בלע״ז רופֿט מען עס אַ cochlear implant.
דער אַפּאַראַט פֿונקציאָנירט אַזוי: אַ קליינטשיקער מיקראָפֿאָן כאַפּט אויף דעם קלאַנג, און טראַנסמיטירט עס צום אַפּאַראַט, וואָס פֿאַרוואַנדלט די דיגיטאַלישע אינפֿאָרמאַציע אין עלעקטרישע סיגנאַלן. די סיגנאַלן סטימולירן די נערוון און שיקן די קלאַנג־אינפֿאָרמאַציע צום מוח.
טײַערע חזנטע
Dear Cantor
פֿון חנה סלעק
טײַערע חזנטע,
מײַן טעכטערלס ערשטער געבוירן־טאָג נעענטערט זיך, און מע פֿרעגט מיך פֿון אַלע זײַטן וואָס פֿאַר אַ מתּנה זי וויל. זי האָט טאַקע אַ שלל מיט שפּילעכלעך און קליידערלעך. מיר וווינען אין אַ קליינער דירה, און אונדז איז דאָ שוין ענג. בעסער וואָלטן מענטשן אונדז געהאָלפֿן באַצאָלן פֿאַר ווינדלעך, מילך, און אַנדערע זאַכן וואָס מיר דאַרפֿן נייטיק האָבן. מעג מען בעטן בײַ מענטשן אָדער די דאָזיקע נייטיקע זאַכן, אָדער געלט?
פּראַקטישע מאַמע
טײַערע פּראַקטישע מאַמע,
איך באַדויער, אָבער עס איז נישט לײַטיש צו בעטן געלט. אויב מע שענקט די סאַמע נייטיקע זאַכן פֿאַרן עופֿעלע, איז דאָס גיכער אַ מתּנה פֿאַר אײַך, ווײַל איר טראָגט דעם חובֿ זיי צו קויפֿן, און נישט קיין זאַך וואָס וואָלט געטאָן הנאה אײַער טעכטערל. איך האַלט אַז איר מוזט זיך רעכענען מיט דעם, וואָס מענטשן ווילן שענקען שפּילעכלעך און קליידערלעך. איר קענט זיי דאָך צוריקברענגען אין געשעפֿט פֿאַרן געלט אָדער זיי אויסבײַטן אויף מער פּראַקטישע זאַכן. מזל־טובֿ צום טעכטערלס געבוירן־טאָג!
פּסחדיקער פֿרישטיק
Passover Breakfast
פֿון שׂרה־רחל שעכטער
לערנט זיך אויס ווי צו מאַכן געפֿרישטע מצות און אַ שפּינאַט־פֿײַנקוכן פֿאַר אײַערע פּסחדיקע פֿרימאָרגנס:
זשאַבע־סכּנה
Pet Frog Risk
פֿון שׂרה־רחל שעכטער
די קליינע וואַסער־זשאַבעס, וואָס ווערן פֿאַרקויפֿט ווי שטוב־חיות, זענען פֿאַרבונדן געוואָרן מיט אַן אויסבראָך פֿון סאַלמאָנעלאַ־אינפֿעקציעס צווישן די יאָרן 2008 און 2011, האָט די וואָך איבערגעגעבן דער „אַמעריקאַנער צענטער פֿון קראַנקייט־קאָנטראָל‟.
דער באַריכט, אָפּגעדרוקט מאָנטיק אינעם זשורנאַל Pediatrics, האָט אַנטדעקט, אַז די אינפֿעקציע האָט אָנגעשטעקט 376 מענטשן אין 44 שטאַטן. 29%, ס׳רובֿ פֿון זיי — קינדער, האָט מען געמוזט פֿירן אין שפּיטאָל.
צוויי פּאָטראַוועס אויף פּסח
Two Delicacies for Passover
פֿון העלען נאַש (ייִט״אַ)
אויב איר זענט איינער פֿון די מענטשן, וועלכע שרעקן זיך פֿאַרן פּסח, ווײַל מע וועט אַ גאַנצע וואָך מוזן קאָכן אָן חמץ, וויל איך אײַך באַרויִקן, אַז ס׳איז בכלל נישט קיין פּראָבלעם.
געדענקט, אַז אין דעם פֿריילעכן יום־טובֿ, מעגן מיר יאָ עסן פֿיש, פֿלייש, עוף, אייער, ניס, פֿרוכטן און ס׳רובֿ גרינסן און פֿרישע געווירצן.
אַלע ווײַטערדיקע מאכלים זענען געזונט, געשמאַק און גרינג צוצוגרייטן. די רעצעפּטן קומען פֿונעם נײַעם קאָכבוך, (Helen Nash‘s New Kosher Cuisine Overlook Press).
ווען עמעצער גייט אײַך אויף די נערוון...
When Someone Gets on Your Nerves
וואָס קענט איר טאָן, אויב אײַערס אַ מיטאַרבעטער, שכן אָדער קרובֿ (אָדער אַפֿילו אײַער מאַן אָדער ווײַב) גייט אײַך כּסדר אויף די נערוון? אָט זענען עטלעכע עצות, ווי אַזוי איר קענט פֿאַרבעסערן דעם מצבֿ:
סתּם איגנאָרירן אים וועט נישט לייזן די פּראָבלעם. בעסער איז, צו כאַפּן אַ שמועס מיט אים וועגן דעם ענין.
איידער איר גייט צו צו אים, אָדער קלינגט אים, אָטעמט אײַן טיף אָדער כאַפּט אַ שפּאַציר. אַזוי וועט איר זײַן רויִק און אים נישט באַליידיקן.
משפּחה־חנדלעך
Sit Back and Smile
פֿון שׂרה־רחל שעכטער
אַ פֿרוי איז אַרײַנגעקומען אין אַ סינאַגאָגע, וווּ מע האָט זיך געגרייט צו שטעלן אַ חופּה. בעת זי איז געשטאַנען אויף דער שוועל, איז צוגעקומען דער שמשׂ און זי געפֿרעגט: „אַנטשולדיקט, זענט איר אַ חבֿרטע פֿון דער כּלה?‟
„אַוודאי נישט!‟ האָט די פֿרוי געענטפֿערט. „איך בין די מאַמע פֿונעם חתן.‟
מיטללענדישע דיעטע קאָן פֿאַרהיטן פֿון אַ האַרץ־אַטאַק
Mediterranean Diet Can Prevent Heart Disease
פֿון שׂרה־רחל שעכטער
אַ מיטללענדישע דיעטע, וואָס האָט א הויכן פּראָצענט איילבערט־בוימל, ניס, פֿיש, פֿרישע פֿרוכטן און גרינסן, און אַפֿילו רויטן ווײַן, קאָן העלפֿן אויסמײַדן אַ האַרץ־אַטאַק אָדער מוח־אַטאַק, גיט איבער אַ נײַע שטודיע פֿון שפּאַניע.
די פֿריִערדיקע פֿאָרשונגען האָבן געגעבן אָנצוהערן, אַז מענטשן וואָס עסן אַ מיטללענדישע דיעטע, האָבן אַ געזינטער האַרץ ווי אַנדערע מענטשן, אָבער ביז איצט איז נישט געווען קלאָר, צי דאָס בעסערע געזונט איז צוליב דעם עסן, אָדער צוליב געוויסע אונטערשיידן פֿון לעבנס־שטייגער.
אין דער איצטיקער שטודיע, האָבן די פֿאָרשער פֿאַרזאַמלט כּמעט 7,500 עלטערע וואָלונטירן, וועלכע ווערן באַדראָט פֿון באַקומען אַ האַרץ־אַטאַק צוליב פֿאַרשידענע סיבות: זיי זענען געווען פֿעט, גערייכערט פּאַפּיראָסן, געליטן פֿון צוקער־קרענק אָדער פֿון אַ הויכן בלוט־דרוק.
אַ דריטל פֿון די וואָלונטירן האָט מען געהייסן, במשך פֿון פֿינף יאָר, זיך האַלטן בײַ אַ מיטללענדישע דיעטע מיט, צום ווייניקסטן, 4 לעפֿל איילבערט־בוימל אַ טאָג — אָבער בלויז דעם העכסטן קוואַליטעט איילבערט־בוימל (extra virgin olive oil).
מיטללענדישער טונפֿיש־סאַלאַט
Mediterranean Tuna Salad
פֿון שׂרה־רחל שעכטער
לויט דער מיטללענדישער דיעטע, וואָס מע האָט לעצטנס געלויבט אין די צײַטונגען, דאַרף מען אײַננעמען, צום ווייניקסטן, 4 לעפֿל איילבערט־בוימל אַ טאָג. דערפֿאַר דאַרפֿט איר זיך נישט זאָרגן, וואָס דער סאַלאַט איז געמאַכט פֿון 1/4 טעפּל איילבערט־בוימל.
אַ דאַנק דעם טונפֿיש, האָט דאָס מאכל אַ הויכן פּראָצענט פּראָטעיִן; און צוליב דעם פּיקאַנטן טעם פֿון די אַרטישאָקן, מאַסלינעס און קנאָבל, וועט אײַך אַפֿילו נישט אויספֿעלן זאַלץ.
נו, ווי מיינט איר? זאָלן עלטערן קויפֿן בלויז נאַטירלעכע זאַכן פֿאַר זייערע קינדער?
YOUR OPINION: Should Parents Buy Only Natural Products for their Children?
פֿון שׂרה־רחל שעכטער
געוויסע קינסטלעכע כעמישע שטאָפֿן אין די זאַכן, וואָס מיר ניצן יעדן טאָג — למשל, שפּילעכלעך, פּאַרפֿומען, דעאָדאָראַנטן און פּלאַסטישע פֿלעשער — שטעלן אונדז אין אַ סכּנה פֿון געוויסע מינים ראַק, געבורט־פֿעלערן און פּסיכיאַטרישע פּראָבלעמען, האָט לעצטנס געוואָרנט אַ גרופּע פֿאָרשער פֿון דער „יו־ען‟.
די סובסטאַנצן, וואָס הייסן EDCs און BPAs, זענען אפֿשר אויך שולדיק אין דעם וואָס אַ צאָל מאַנסבילן און פֿרויען האָבן הײַנט שוועריקייטן בײַם האָבן קינדער, האָבן זיי געזאָגט.
עטלעכע לענדער ווי די פֿאַראייניקטע שטאַטן, קאַנאַדע און די לענדער פֿונעם אייראָפּעיִשן פֿאַרבאַנד, האָבן שוין אָנגענומען געזעצן, וואָס פֿאַרווערן אַ טייל פֿון די סובסטאַנצן אין דער פּראָדוקציע, בפֿרט אין די זאַכן פֿאַר קינדער. אָבער „הונדערטער טויזנטער‟ מענטשן קומען ווײַטער אין קאָנטאַקט מיט אַזוינע שטאָפֿן, און דערווײַל האָט מען זייער ווייניק שטודירט ווי אַזוי דאָס ווירקט אויפֿן גוף פֿון מענטשן און חיות בכלל.
קאַרטאָפֿל־קרעפּלעך
Potato Dumplings
פֿון שׂרה־רחל שעכטער
מע עסט פּורים קרעפּלעך, ווײַל די באַשטאַנדטיילן זענען באַהאַלטן אינעם טייג, פּונקט ווי גאָטס גענאָד איז באַהאַלטן אין מגילת־אסתּר
טײַערע חזנטע
Dear Cantor
פֿון חנה סלעק
טײַערע חזנטע,
מײַן מאַן און איך האָבן חתונה געהאַט מיט 48 יאָר צוריק. מיר וווינען אין אַ קהילה פֿאַר פּענסיאָנירטע אין בוינטאָן־ביטש, פֿלאָרידע. אונדזער לעבן צוזאַמען איז קיין מאָל נישט געווען אַזוי אײַ־אײַ־אײַ, אָבער איך האָב אַלע מאָל געהאַט אַ צוטרוי צו אים, און זיך קיין מאָל נישט געזאָרגט, אַז ער קוקט צופֿיל אויף אַנדערע פֿרויען. אָבער איצט, אין אונדזערע „גאָלדענע יאָרן”, האָט זײַן אויג אָנגעהויבן צו וואַנדערן. עטלעכע פֿרויען אין די אָנהייב 60ער האָבן זיך לעצטנס אַרײַנגעצויגן אַהער. מײַן מאַן גייט אַלע מאָל צום שווימבאַסיין, ווען ער ווייסט, אַז זיי זענען דאָרטן. ער מאַכט דעם אָנשטעל, אַז ער לייענט אַ צײַטונג, אָבער, אין דער אמתן, האַלט ער אַן אויג אויף די פֿרויען, וועלכע טראָגן מאָדישע באָד־קאָסיומען. וואָס זאָל איך אים זאָגן וועגן דעם? פֿאַרזאָרגטע, אַלטע פֿרוי
מיידלעך קריגן בעסערע צייכנס ווי ייִגלעך אין שול
פֿון שׂרה־רחל שעכטער
דער עסיי פֿון קריסטינאַ האָף סאָמערס פֿאַראַכטאָגן אין דער „ניו־יאָרק טײַמס‟ שטעלט אַ וויכטיקע פֿראַגע: פֿאַר וואָס גייט עס הײַנט די מיידלעך אַזוי פֿיל בעסער אין שול, ווי די ייִנגלעך?
בדרך־כּלל, ווען מע גיט אַ שטאָטישן עקזאַמען פֿאַר אַלע תּלמידים אין אַ געוויסער שטאָט, קריגן די ייִנגלעך העכערע צייכנס ווי די מיידלעך. פֿון דעסטוועגן, ווען די לערער מאַכן די רעגלמעסיקע באַריכט־קאַרטלעך פֿאַר די עלטערן, באַקומען די ייִנגלעך נידעריקערע צייכנס ווי די מיידלעך; און שפּעטער, גייען ווייניקער בחורים ווי מיידלעך אין אוניווערסיטעט.
געבראָטענע קאַרטאָפֿל
פֿון שׂרה־רחל שעכטער
די ציבעלע און קנאָבל אין דעם רעצעפּט גיבן צו אַ געשמאַקן טעם און ריח. דעם קנאָבל דאַרפֿט איר אַפֿילו נישט אָפּשיילן. נאָכן אָפּבראָטן, קענט איר עס מיטן גאָפּל אַרויסקוועטשן פֿונעם שאָלעכץ!
3 פֿונט (1.4 קילאָ) רויטע קליינע קאַרטאָפֿליעס
2 ציבעלעס, צעשניטן אין דינע רעפֿטלעך
12 ציינדלעך קנאָבל, מיטן שאָלעכץ
1/4 טעפּל איילבערט־בוימל
2 לעפֿל דיזשאָנער זענעפֿט
1 לעפֿעלע זאַלץ
1/2 לעפֿעלע שוואַרצער פֿעפֿער
2 לעפֿל צעשניטענע פּעטרישקע
הייצט אָן דעם אויוון ביז 400 גראַד (204 צעלזיוס).
הויפּטקוואַל פֿון פֿאַרסמונג — שאַלאַטן־בלעטער
Lettuce and spinach are the main culprits of food poisoning
פֿון שׂרה־רחל שעכטער
לויט אַ רעגירונג־שטודיע, זענען שאַלאַטן און שפּינאַט־בלעטער די הויפּט־סיבה פֿון שפּײַז־פֿאַרסמונג — אַ פּראָבלעמאַטישער אויספֿיר פֿאַר די געזונט־באַאַמטע, וועלכע פּריידיקן, אַז די אַמעריקאַנער דאַרפֿן עסן אַלץ מער גרינסן.
„ס׳רובֿ פֿונעם עסן וואָס איר קויפֿט אין קראָם, זענען זיכער,‟ האָט דערקלערט ד״ר פּאַטרישאַ גריפֿין, איינע פֿון די מחברים פֿון דער שטודיע. „די רעזולטאַטן פֿון דער שטודיע דאַרפֿן נישט אָפּשרעקן מענטשן פֿון עסן גרינסן. געדענקט אָבער, אַז מ׳דאַרף גוט אויסשווענקען אָדער דורכצוקאָכן, איידער איר עסט זיי.‟
די רעזולטאַטן פֿון דער שטודיע זענען דינסטיק אַרויסגעלאָזט געוואָרן דורכן „צענטער פֿון קראַנקייט־קאָנטראָל‟ (CDC).
פֿאַר וואָס איך שטעל נישט בילדער פֿון מײַן עופֿעלע אויף פֿייסבוק
פֿון אַליסה שטראַוס
זינט איך האָב געהאַט מײַן ייִנגעלע מיט צוויי חדשים צוריק, האָב איך נאָך אַלץ נישט אַרויסגעשטעלט קיין פֿאָטאָגראַפֿיעס פֿון אים אויף פֿייסבוק; און ס׳איז מעגלעך, אַז איך וועל עס קיין מאָל נישט טאָן.
דאָס איז נישט דאָס ערשטע מאָל, וואָס איך פֿאַרפּירסום נישט מײַנע פּערזענלעכע איבערלעבונגען אויף פֿייסבוק. כ׳האָב אויך נישט אַרויסגעשטעלט קיין בילדער פֿון מײַן חתונה, און זיכער נישט פֿון מײַן קידושין־רינגל. דער אונטערשייד איז, אַז דעמאָלט האָב איך זיך בכלל נישט געפֿילט שולדיק, וואָס איך האַלט די מאָמענטן פּריוואַט. דאָס מאָל פֿיל איך אָבער יאָ, אַז איך באַעוול מײַנע „פֿרײַנד‟, ווען זיי מאָנען בײַ מיר די בילדער פֿונעם עופֿעלע, און איך לאָז זיך נישט.
ס׳איז נישט קיין סוד, אַז איך האָב געהאַט אַ קינד. אין מײַן בלאָג האָב איך נישט איין מאָל געשריבן סײַ וועגן מײַן טראָגן, סײַ וועגן דעם געבורט — און מײַן בלאָג האָט אַ סך מער לייענער ווי מײַן פֿייסבוק־קאָנטע. ס׳איז נישט מײַן כּוונה, אַז קיינער זאָל נישט וויסן וועגן דעם, אַז איך האָב אַ קינד; נאָר מער, אַז איך וויל נישט, מע זאָל אים זען אויף פֿייסבוק.
משפּחה־חנדלעך
אין תּל־אָבֿיבֿ האָט מען דערהערט דעם שאַרפֿן קלאַנג פֿון דער סירענע, און יעדער איז אַרײַנגעלאָפֿן אין זײַן באַהעלטעניש. פֿרוי גאָלדשטיין האָט אָנגעהויבן אַראָפּצוגיין די טרעפּ אין קעלער אָבער זעענדיק, אַז איר מאַן קומט נישט, האָט זי אַרויפֿגערופֿן: „נו, משה, דו קומסט?‟
„רגע, חנה!‟ האָט ער צוריקגערופֿן. „איך זוך די ציין.‟
„פֿאַרגעס וועגן די ציין!‟ שרײַט זי צוריק. „מיט וואָס מיינסטו וועט דער שׂונא אונדז שיסן — בייגל מיט לאַקס?‟
* * *
געפֿינענדיק זיך אין אַ שווערן פֿינאַנציעלן מצבֿ, האָבן די וואַסערמאַנס זיך באַמיט אויסצוגעבן אַזוי ווייניק געלט ווי מעגלעך. פֿרוי וואַסערמאַן איז געקומען צו אַ נײַעם געדאַנק: אַנשטאָט צו געבן איר קלייד אין פּוצערײַ, האָט זי עס געוואַשן מיט דער האַנט.
ווען איר מאַן איז אַהיימגעקומען פֿון דער אַרבעט האָט זי, אַ צופֿרידענע, אים דערציילט וועגן איר נײַעם פּלאַן צו שפּאָרן געלט.
„זעסט, דוד, דורך מײַן וואַשן דאָס קלייד זענען מיר רײַכער געוואָרן מיט דרײַ דאָלאַר.‟
„זייער גוט,‟ ענטפֿערט איר מאַן. „וואַש עס נאָך אַ מאָל.‟
אַן עלעגאַנטער טיש דאַרף נישט קאָסטן קיין מאַיאָנטעק
פֿון שׂרה־רחל שעכטער
ווען ס׳קומט אַ חשובֿער גאַסט צו אײַך אויף שבת, אָדער אַפֿילו אין דער וואָכן, איז שיין צוצוגרייטן דעם טיש אויף אַן עלעגאַנטן אופֿן, אַזוי ווי מע טוט אין די טײַערע רעסטאָראַנען. טאָמער קווענקלט איר זיך דאָס צו טאָן ווײַל איר מיינט, אַז ס׳וועט אײַך קאָסטן צו פֿיל, זײַט וויסן, אַז מע קאָן עס טאָן פֿאַר גאַנץ ביליק. אָט זענען עטלעכע עצות ווי דאָס צו טאָן:
* אינוועסטירט אין קלאַסיש, ווײַס געפֿעס, סײַ פֿאַר די טאָג־טעגלעכע, סײַ פֿאַר די ספּעציעלע מאָלצײַטן. ווײַסע טעלער מאַכן דאָס עסן אויסזען מער אַפּעטיטלעך, און טאַקע דערפֿאַר ניצן עס די פּראָפֿעסיאָנעלע קאָכער. געפֿינט אַ וואָלוועלן קאָמפּלעט ווײַסע טעלער און שיסלען, אָדער קויפֿט עטלעכע מיט אַ מאָל, אַפֿילו אויב זיי זענען פֿון אַנדערע סאָרטן. אַבי זיי זענען אַלע ווײַס, וועט עס אויסזען ווי איין סערוויס.
* קויפֿט אַ קאָמפּלעט גרויסע ווײַנגלעזער מיט דינע שטאַמען, אַרײַנצוגיסן רויטן אָדער ווײַסן ווײַן, אָדער אַפֿילו בלויז וואַסער. מע קען זיי קויפֿן פֿאַר גאַנץ ביליק אין די כּל־בו־געשעפֿטן. אין די אײַנקויף־קראָמען.
קינדער וואָס הייבן אָן רעדן פֿרי ווערן זעלטענער אין כּעס
פֿון שׂרה־רחל שעכטער
אַ נײַע שטודיע האָט באַוויזן, אַז קינדער וואָס לערנען זיך אויס רעדן בײַ צוויי יאָר דריקן אויס ווייניקער כּעס בײַ פֿיר יאָר, אין פֿאַרגלײַך מיט יענע פֿיר־יאָריקע קינדער, וועלכע זענען אַ ביסל הינטערשטעליק בײַם רעדן, האָט איבערגעגעבן פּאַמעלאַ קאָל, אַ פּסיכאָלאָגיע־פּראָפֿעסאָרין בײַם פּענסילוועניער שטאַט־אוניווערסיטעט און אַ מחברטע פֿון דער שטודיע.
די פֿאָרשער האָבן אָבסערווירט 120 קינדער במשך פֿון דרײַ־און־אַ־האַלב יאָר, אָנהייבנדיק ווען זיי זענען געווען 18 חדשים ביז פֿיר יאָר אַלט. רעגלמעסיק האָט מען געמאַכט טעסטן מיט זיי, כּדי צו דערגיין זייער שפּראַך־קענטעניש, און צו דערגיין ווי אַזוי זיי רעאַגירן אויף פֿרוסטרירנדיקע באַדינגונגען. אין איין טעסט, למשל, האָט מען געגעבן יעדן קינד אַ מתּנה, אָבער געהייסן אים וואַרטן אַכט מינוט עס צו עפֿענען, ביז די מאַמע וועט ענדיקן איר אַרבעט.
די קינדער מיט געניטע שפּראַך־פֿעיִקייטן האָבן גרינגער דורכגעמאַכט דעם טעסט צוליב צוויי סיבות: ערשטנס, האָבן זיי געקאָנט פֿרעגן די מאַמע: „ביסטו שוין פֿאַרטיק?‟ צווייטנס, האָבן זיי געניצט שפּראַך ווי אַ מיטל צו פֿאַרברענגען די צײַט בשעת זיי האָבן געוואַרט אויף דער מאַמען. איין קינד, למשל, האָט במשך פֿון אַ מינוט לאַנג געציילט כּסדר.
„ווען קינדער קאָנען שוין רעדן, קאָנען זיי ניצן ווערטער אַנשטאָט די עמאָציעס צו קאָמוניקירן זייערע באַדערפֿענישן, און קאָנען אויך ניצן די פֿאַנטאַזיע צו פֿאַרברענגען די צײַט, בעת זיי וואַרטן אומגעדולדיק,‟ האָט קאָל געזאָגט.
ווידעאָ־שפּילן שאַפֿן בײַ קינדער נישט קיין אַפּעטיט פֿאַר פֿרוכטן
פֿון שׂרה־רחל שעכטער
לויט אַ נײַער שטודיע פֿון האָלאַנד, באַקומען קינדער נישט מער אַפּעטיט פֿאַר געזונטע שפּײַזן, אַפֿילו אויב זיי שפּילן אַ ווידעאָ־שפּיל, וווּ די שפּײַזן פֿיגורירן אויבן־אָן.
די פֿריִערדיקע שטודיעס האָבן באַוויזן, אַז קאָמערציעלע רעקלאַמעס פֿאַר געוויסע שפּײַזן דערוועקן בײַ קינדער אַן אַפּעטיט פֿאַר יענע שפּײַזן. האָבן די פֿאָרשער דעריבער געהאַלטן, אַז אַ ווידעאָ־שפּיל וועגן פֿרוכטן וועט באַווירקן די קינדער צו עסן מער אויפּס. נאָר וואָס דען? די קינדער אינעם עקספּערימענט האָבן טאַקע געגעסן מער שפּײַז נאָכן שפּילן די ווידעאָ־שפּיל, אָבער נישט מער אויפּס ווי אַנדערע קינדער.
„דאַכט זיך, אַז די שפּיל מאַכט הונגעריק, אָבער קינדער האָבן גיכער ליב אַ נאַש מיט אַ סך קאַלאָריעס, איידער פֿרוכטן,‟ האָט דערקלערט דער הויפּט־מחבר פֿון דער שטודיע, פֿראַנס פֿאָלקוואָרט. „האָבן זיי אויסגעקליבן די נאַשערײַ מיט אַ סך קאַלאָריעס.‟
-
אַהיים
Home -
רעקלאַמעס
Advertise -
אַבאָנעמענטן
Subscribe -
תּנאָים און באַדינגען
Terms and Conditions -
פּריוואַטקייט־פּאָליטיק
Privacy Policy -
וועגן „פֿאָרווערטס‟
About -
וועבזײַט־מאַפּע
Sitemap -
אָפּטיילן
Sections -
ר. ס. ס.
RSS
Copyright © 2020, The Forward Association, Inc. All rights reserved.
