No Place Like Home
March 6, 2013, 3:43pm

ווען עמעצער גייט אײַך אויף די נערוון...

When Someone Gets on Your Nerves

  • Print
  • Share Share

וואָס קענט איר טאָן, אויב אײַערס אַ מיטאַרבעטער, שכן אָדער קרובֿ (אָדער אַפֿילו אײַער מאַן אָדער ווײַב) גייט אײַך כּסדר אויף די נערוון? אָט זענען עטלעכע עצות, ווי אַזוי איר קענט פֿאַרבעסערן דעם מצבֿ:

  1. סתּם איגנאָרירן אים וועט נישט לייזן די פּראָבלעם. בעסער איז, צו כאַפּן אַ שמועס מיט אים וועגן דעם ענין.

  2. איידער איר גייט צו צו אים, אָדער קלינגט אים, אָטעמט אײַן טיף אָדער כאַפּט אַ שפּאַציר. אַזוי וועט איר זײַן רויִק און אים נישט באַליידיקן.

  1. הייבט אָן מיט אַ פֿראַגע. זאָגט אים, אַז איר ווילט מיט אים רעדן וועגן אַ געוויסן ענין אין שײַכות מיט אײַער באַציִונג, און צי איז דאָס אַ גוטע צײַט? אויב ער ענטפֿערט, אַז ניין, וואַרט אויף אַ צווייטער געלעגנהייט. אויב ער זאָגט יאָ, לאָזט אים, צו ערשט, וויסן ווי וויכטיק ס׳איז פֿאַר אײַך, צו בלײַבן אין גוטע באַציִונגען מיט אים.

  2. גיט אַכטונג וואָס איר זאָגט. קריטיקירט אַזוי ווייניק ווי איר קענט. ווען איר קריטיקירט אים יאָ, טוט עס אויף אַן איידעלן אופֿן — אָן כּעס און אָן סאַרקאַזם.

  3. הערט אויס זײַן צד. גיט אים צײַט צו רעאַגירן אויף דעם וואָס איר האָט געזאָגט, און האַקט אים נישט איבער די רייד.

  4. גיט נאָך, אַז אפֿשר זענט איר אויך אַ ביסל שולדיק אין די אָנגעשפּאַנטע באַציִונגען, און אַז אפֿשר האָט איר אים אויך באַעוולט.

  5. זײַט גרייט צו דער מעגלעכקייט, אַז די פּראָבלעם וועט אפֿשר נישט געלייזט ווערן. אין אַזאַ פֿאַל, וועט איר כאָטש וויסן, אַז איר האָט געפּרוּווט אַלץ מעגלעך צו פֿאַרבעסערן די באַציִונגען. וואָס ס׳וועט זײַן ווײַטער, איז שוין מער נישט אין אײַערע הענט.

— עד בייקאָן, מחבר פֿון Eight Habits of Love (אַכט געוווינשאַפֿטן פֿון ליבע)


Back to נײַעס פֿאַר בני־בית