Oyneg Shabes
December 17, 2015, 9:50am

ווידעאָ: ליפּאַ שמעלצער זינגט „בעלץ‟

Music Video: Lipa Schmeltzer Sings “Belz”

  • Print
  • Share Share

אין אָקטאָבער האָט ליפּאַ שמעלצער, צוזאַמען מיט דער „שארית־הפּליטה קאַפּעליע‟ אַרויסגעלאָזט אַ ווידעאָ אויף „יו־טוב‟ מיט אַ נײַעם נוסח פֿונעם פּאָפּולערן ייִדישן ליד „שיין ווי די לבֿנה‟. לעצטנס, האָבן דער חסידישער פּאָפּ־שטערן און די קלעזמאָרים פֿון מיאַמי אַרויסגעלאָזט זייער אייגנעם צוויישפּראַכיקן נוסח פֿון „מײַן שטעטעלע בעלץ‟.

אינעם נײַעם „מוזיק־ווידעאָ‟ פּראַוועט מען דעם 90סטן געבוירן־טאָג פֿון שאול דרײַער, דער פּײַקלער פֿון דער „שארית־הפּליטה קאַפּעליע‟. אין אַ סוררעאַליסטישער סצענע ווײַזט דרײַער זײַן אייניקל אַ בילד פֿון זיך, וואָס מע האָט כּלומרשט געמאַכט אין 1939 אין זײַן „שטעטעלע בעלץ‟. דער ייִד אויפֿן בילד איז אָבער ליפּאַ שמעלצער, וואָס באַווײַזט זיך אויף דער שׂימחה ווי דער יונגער שאול.

דער נאָסטאַלגישער פֿילם, רעזשיסירט פֿון דניאל פֿינקלמאַן מיט דער באַטייליקונג פֿון שאול דרײַער און ראובֿן סאָסנאָוויטשס משפּחות, שטעלט מיט זיך פֿאָר אַ געמיש פֿון קאָמעדיע, גאָר עמאָציאָנעלע מאָמענטן און, ווי עס פּאַסט פֿאַר ליפּאַ שמעלצער — סינכראָניזירטע טענץ. די נײַע ענגלישע ווערטער פֿונעם ליד האָט אָנגעשריבן סעסיליאַ מאַרגאָליס.


Back to עונג־שבת