Oyneg Shabes
February 26, 2015, 11:50am

„די טרויעריקע ייִדעלעך‟

“The Sad Little Jews”

  • Print
  • Share Share
בײַ טאָמאַשעווסקין שפּילט מען „די לוסטיקע ייִדעלעך‟. דאָרטן איז פֿריילעך. די אַקטיאָרן זינגען און טאַנצן, ווײַל זיי נעמען גוטע שׂכירות. דאָ האָט אונדזער קאַרטוניסט געצייכנט אַ סצענע ניט פֿון יענע ייִדעלעך, נאָר פֿון די טרויעריקע ייִדעלעך. דאָ זיצן די ניט־אַנגאַזשירטע אַקטיאָרן. זיי זיצן פֿאַרכמורעטע אין קלוב און חלומען פֿון פּאַפּירענע קרוינען און פֿון שׂכירות.
בײַ טאָמאַשעווסקין שפּילט מען „די לוסטיקע ייִדעלעך‟. דאָרטן איז פֿריילעך. די אַקטיאָרן זינגען און טאַנצן, ווײַל זיי נעמען גוטע שׂכירות. דאָ האָט אונדזער קאַרטוניסט געצייכנט אַ סצענע ניט פֿון יענע ייִדעלעך, נאָר פֿון די טרויעריקע ייִדעלעך. דאָ זיצן די ניט־אַנגאַזשירטע אַקטיאָרן. זיי זיצן פֿאַרכמורעטע אין קלוב און חלומען פֿון פּאַפּירענע קרוינען און פֿון שׂכירות.

אַ סך פֿון אונדזערע לייענער קענען די אַלטע אינסטיטוציע „ייִדישע אַרטיסטן און פֿרײַנד־אַקטיאָרן קלוב‟, וואָס איז אַ פֿאַראייניקונג פֿון צוויי אָרגאַניזאַציעס: דער „אַקטיאָרן־קלוב‟, וואָס מע זעט אין דער דאָזיקער קאַריקאַטור, און „ייִדישע אַרטיסטן און פֿרײַנד‟. ביז מיט עטלעכע יאָר צוריק האָט די אָרגאַניזאַציע נאָך דורכגעפֿירט פּראָגראַמען אין איר אַלטן לאָקאַל אויף דער 7טער גאַס, אַרומגערינגלט מיט בילדער פֿון אונדזערע גרויסע אַקטיאָרן און שרײַבער — אַ היימיש אָרט, וואָס שמעקט נאָך מיט דער ייִדישער קולטור און געשיכטע. די פּראָגראַמען קומען ווײַטער פֿאָר אויף אַ גרויסן פֿאַרנעם אין אַנדערע ערטער, אָבער, צום באַדויערן, קען מען דעם אַלטן לאָקאַל מער ניט ניצן, ווײַל דער בנין נייטיקט זיך אין אַ רעמאָנט און קיין געלט און קיין אינטערעס צו דעם איז דערווײַל ניטאָ. מע וואָלט טאַקע געדאַרפֿט שאַפֿן אַ פֿאָנד אָפּצוראַטעווען דעם דאָזיקן היסטאָרישן בנין, מאַכן פֿון אים אַ מוזיי און אַ זאַל פֿאַר פֿאָרשטעלונגען.


Back to עונג־שבת