No Place Like Home
January 15, 2014, 4:22pm

נאַהיט־זופּ

Chickpea Soup

  • Print
  • Share Share

געוויינטלעך, אַסאָציִיִרט מען נאַהיט מיט חומוס, אָבער דאָ דינט עס ווי דער הויפּט־אינגרעדיענט פֿון אַ געשמאַקער, פּראָטעיִן־רײַכער זופּ.

3 15־אונציקע פּושקעס נאַהיט 3 לעפֿל איילבערט־בוימל 2 גרויסע ציבעלעס, צעשניטן 4 ציינדלעך קנאָבל, צעשניטן
1 צווײַגעלע טימיאַן
1/2 טעפּל טרוקענעם ווײַסן ווײַן
4 טעפּלעך יויך
זאַלץ
1 הייפֿטל בראָקאָלי
אַ זשמעניע פּעטרישקע

הייצט אָן דעם בוימל אין אַ גרויסן זופּטאָפּ איבער אַ מיטעלן פֿײַער. גיט אַרײַן די ציבעלע, קנאָבל און דאָס צווײַגעלע טימיאַן. קאָכט, מישנדיק פֿון צײַט צו צײַט, ביז די ציבעלע ווערט ווייך, 10־15 מינוט. שווענקט אויס דעם נאַהיט און זיפּט אָפּ דאָס וואַסער. גיט דעם נאַהיט און ווײַן צו צו דעם ציבעלע־געמיש. פֿאַרגרעסערט דאָס פֿײַער ביז אַ העלפֿט פֿונעם ווײַן ווערט אויסגעוועפּט — בערך 2 מינוט. גיט אַרײַן די יויך, פֿאַרקלענערט דאָס פֿײַער און דעקט צו דעם טאָפּ. קאָכט אויפֿן קלענסטן פֿײַער ביז דער נאַהיט ווערט זייער ווייך, בערך אַ האַלבע שעה. וואַרפֿט אַרויס דאָס טימיאַן־צווײַגל.

צעמאָלט דאָס נאַהיט־געמיש אין אַ שפּײַז־מאַשין. אויב ס׳איז צו געדיכט, גיט צו אַ ביסל וואַסער. באַזאַלצט די זופּ לויט אײַער געשמאַק.

שנײַדט אָפּ די „בלימעלעך‟ פֿונעם בראָקאָלי, און קאָכט זיי אָפּ אין געזאַלצן וואַסער 4 מינוט. זיפּט אָפּ דאָס וואַסער.

צעגיסט די זופּ אין באַזונדערע טעלער און באַצירט יעדן טעלער מיט די בראָקאָלי־בלימעלעך און פּעטרישקע.


Back to נײַעס פֿאַר בני־בית