No Place Like Home
August 18, 2015, 11:16am

קלוגע עצות פֿון טאַטע־מאַמע

Clever Advice From Moms and Dads

  • Print
  • Share Share

אויב איר האָט קליינע קינדער אין דער היים, אָדער אַפֿילו אויב עס קומען צו אײַך אַ מאָל יונגע געסט (אייניקלעך, אָדער די קינדער פֿון אײַערע פֿרײַנד), איז גוט זיך צו דערוויסן די אײַנפֿאַלן פֿון שאַפֿערישע עלטערן בײַם דערציִען קינדער. פֿון איצט אָן וועט איר געפֿינען אין יעדן נומער פֿון „נײַעס פֿאַר בני־בית‟ אַ ריי אײַנפֿאַלן אַזוינע, וואָס קאָנען אײַך אויך צו־ניץ קומען.

אויב איר האָט אַליין אויסגעטראַכט אַ מיטל צו העלפֿן קינדער, שיקט עס אונדז אַרײַן מיט אַ פֿאָטאָגראַפֿיע דערפֿון, וועלן מיר עס אפֿשר אויך אָפּדרוקן.

1. אויב אײַער קינד איז צו קליין צו דערגרייכן דעם קראַן פֿון אָפּגאָס, פֿאַרלענגערט דאָס רערל פֿון קראַן מיט דער הילף פֿון אַ ליידיקער שאַמפּו־פֿלאַש. שנײַדט אויס אַ לאָך פֿון אונטן און שלעפּט די פֿלאַש אַרויף אויפֿן קראַן, וועט דאָס וואַסער אַרויסרינען נענטער צום קינד.

    

2. אויב איר ווילט, אַז דער מיטאָג וואָס איר לייגט אַרײַן אין אײַער קינדס מיטאָג־קעסטל, זאָל בלײַבן קיל, לייגט אַרײַן מיט אַ נאַכט פֿריִער אַ שוואָם אין פֿרירער, און פּאַקט עס אײַן אינעם קעסטל דעם צווייטן אינדערפֿרי. דאָס האָט נאָך אַ מעלה: דאָס קינד קען מיטן שוואָם אָפּווישן דעם טיש, איידער ער לייגט דאָרט אַוועק זײַן מיטאָג!

3. שווענקט אויס אַ בינטל רויטע אָדער ווײַסע ווײַנטרויבן, און לייגט זיי אַרײַן אין פֿרירער. ווען איר נעמט זיי אַרויס מיט עטלעכע שעה שפּעטער, וועלן זיי האָבן דעם טעם פֿון קליינע ביסנס אײַזקרעם. קינדער האָבן דאָס שטאַרק ליב, און אַזוי וועלן זיי אײַננעמען אַ געזונטע דאָזע פֿון וויטאַמין C.

איר קענט אויך ניצן די פֿאַרפֿרוירענע טרײַבעלעך אַנשטאָט אײַז אין די געטראַנקען אין אַ הייסן זומערטאָג. אַזוי וועט דאָס געטראַנק נישט קריגן קיין פֿאַרוואַסערטן טעם, און וועט נאָך באַקומען אַ גוטן געשמאַק דערצו.

אַדאַפּטירט פֿון דער וועבזײַט kidsactivitiesblog.com


Back to נײַעס פֿאַר בני־בית