No Place Like Home
July 24, 2015, 10:05am

5 אופֿנים אַרײַנצוברענגען אַ גוטן ריח אין שטוב

5 Ways To Make Your Home Smell Amazing

  • Print
  • Share Share

1. לאָזט עפּעס מליִען אויפֿן אויוון: לייגט אַרײַן רעפֿטלעך לימענע, מאַראַנצן און געווירצן ווי לאַווענדל (lavender) און מינץ. דער זיסער ריח וועט אַרײַן אין אַלע ווינקעלעך פֿון הויז — אַ פּשוטער קונץ, וואָס מע קען מאַכן לטובֿת אַ מסיבה, אָדער סתּם אין אַ פּראָסטן דינסטיק.

2. שטעלט זיס־שמעקנדיקע ליכטלעך איבערן הויז — אָבער צינדט זיי נישט אָן: קלײַבט אויס ערטער, וווּ מע וואָלט זיך נישט געריכט אויף זיי, ווי, למשל, אין אַ שאַפֿע פֿון לײַלעכער אָדער האַנטעכער. די סחורה וועט אײַנזאַפּן דעם ריח; אַזוי וועט איר האָבן אַ שיינעם סורפּריז יעדעס מאָל, וואָס איר עפֿנט די טיר פֿון דער שאַפֿע. דערצו וועט דאָס בעטגעוואַנט אָדער די האַטעכער איבערפֿירן דעם ריח אין יעדן אָרט, וווּ מע ניצט זיי.

    

3. ברענגט די נאַטור אַרײַן אינעווייניק: געוויקסן רייניקן די לופֿט בעת זיי פֿאַרשענערן די שטוב, און אַ סך פֿון זיי האָבן שיינע ריחות אויך, ווי, למשל, געראַניום, עקאַליפּטוס, גאַרדעניע און אָרכידעעס.

4. ניצט אויס אײַערע לופֿט־עפֿענונגען (vents): טשעפּעט צו אַן אויטאָ־אָפּשמוכטער (deodorizer) צו די לופֿט־עפֿענונגען אָדער דעם לופֿטקילער. ווען די לופֿט בלאָזט דורך זיי, וועט דער ריח צעטראָגן ווערן איבערן צימער.

5. באַקט עפּעס זיס: דער ריח פֿון היים־געבאַקענע זאַכן געפֿעלט אַלעמען. אַפֿילו גרונט־סוחרים ווייסן, אַז אויב זיי ווילן, אַז א געוויסע דירה זאָל געפֿעלן די קונים, איז גוט פון פֿריִער צו באַקן צימערינג־בולקעס אָדער באַנאַנע־ברויט, וועט עס אָנפֿילן די צימערן מיט געשמאַקע ריחות פֿון די קינדער־יאָרן, און דערבײַ אפֿשר איבערצײַגן די קונים זיך אַרײַנצוציִען אַהין.


Back to נײַעס פֿאַר בני־בית