No Place Like Home
June 6, 2014, 3:37pm

אַ קינדער־זיץ קאָן ראַטעווען דאָס לעבן

Car Seats Can Save Lives

פֿון שׂרה־רחל שעכטער

  • Print
  • Share Share

צווישן די יאָרן 2002 און 2011 זענען מער ווי 9,000 קינדער ייִנגער פֿון 12 יאָר דערהרגעט געוואָרן אין אויטאָ־אַקצידענטן — אין אַ סך פֿאַלן, צוליב דעם וואָס מע האָט זיי נישט ריכטיק אײַנגעצאַמט אין אַ קינדער־זיץ אָדער מיט אַ שוצפּאַס.

לויט אַ שטודיע פּובליקירט אינעם Morbidity and Mortality Weekly Report, זענען 33% פֿון די קינדער, אומגעקומען אין די אויטאָ־אַקצידענטן אין 2011 נישט געווען אײַנגעצאַמט. בערך 3,308 קינדער ייִנגער פֿון 4 יאָר זענען געבליבן לעבן, אַ דאַנק דעם, וואָס מע האָט זיי אַרײַנגעזעצט אין אַ קינדער־זיץ אָדער צוגעמאַכט זייער שוצפּאַס.

„מיר דאַרפֿן טאָן מער צו באַוואָרענען אונדזערע קינדער ווען מיר פֿאָרן ערגעץ,‟ האָט באַמערקט ד״ר ערין זאַובער־שאַץ, אַן עפּידעמיאָלאָג און די הויפּט־מחברטע פֿונעם באַריכט. „אַפֿילו אויב די נסיעה איז נישט מער ווי עטלעכע מינוט, דאַרפֿן מיר פֿאַרזיכערן, אַז די קינדער זיצן ריכטיק אינעם קינדער־זיץ, און אַז דער רימען איז גענוג אײַנגעצויגן זיי צו באַשיצן אינעם פֿאַל פֿון אַ צוזאַמענשטויס.‟


Back to נײַעס פֿאַר בני־בית