No Place Like Home
July 16, 2013, 12:16pm

קאָן נאַכטאַרבעט גורם זײַן ראַק?

Can Night Work Raise the Risk of Cancer?

  • Print
  • Share Share

אויב איר זענט אַ פֿרוי, וועלכע אַרבעט בײַ נאַכט, איז אפֿשר געקומען די צײַט צו זוכן אַ בײַטאָגיקע שטעלע.

לויט אַ קאַנאַדער באַריכט, פּובליקירט מאָנטיק אינעם זשורנאַל Occupational and Environmental Medicine, איז די סכּנה פֿון באַקומען ברוסטראַק צוויי מאָל אַזוי גרויס בײַ יענע פֿרויען, וועלכע אַרבעטן שוין 30 יאָר אָדער מער אין די נאַכט־שעהען.

פֿריִערדיקע פֿאָרשונגען האָבן שוין אַנטדעקט אַ פֿאַרבינדונג צווישן נאַכט־אַרבעטאָרינס און ברוסטראַק בײַ יענע פֿרויען, וועלכע אַרבעטן ווי געזונט־פּראָפֿעסיאָנאַלן (קראַנקן־שוועסטער, דאָקטוירים, אאַז״וו), אָבער די איצטיקע שטודיע ווײַזט אַזאַ פֿאַרבינדונג אויך בײַ אַנדערע מינים אַרבעט.

די פֿאָרשער גיבן אָן עטלעכע מעגלעכע סיבות פֿאַר דער העכערער ריזיקע: 1) דאָס אַרבעטן אַזוי פֿיל יאָר בײַ נאַכט שטערט דעם נאַטירלעכן שלאָף־ריטעם; 2) נאַכטאַרבעט שוואַכט אָפּ דעם האָרמאָן מעלאַטאָנין, וואָס רעגולירט דעם שלאָף־און־וואַך ציקל, אָדער 3) צוליב דעם וואָס די פֿרויען שלאָפֿן בײַ טאָג, ווערט בײַ זיי אַ דוחק פֿון וויטאַמין D, וואָס מענטשן באַקומען נאַטירלעך דורך דער זון.

אינטערעסאַנט איז אָבער, אַז בײַ די פֿרויען, וועלכע האָבן געאַרבעט בײַ נאַכט ווייניקער ווי 30 יאָר, האָט מען נישט געפֿונען קיין העכערע ריזיקע פֿון ברוסט־ראַק.


Back to נײַעס פֿאַר בני־בית