באַזאָרגט — אָבער קלוג

Anxious – But Smart

פֿון שׂרה־רחל שעכטער

אויב איר זענט פֿון יענע טיפּן, וועלכע זאָרגן זיך אָפֿט, אַז אַ ליבער מענטש וועט אײַך פֿאַרלאָזן, אָט איז אַ טרייסט: אַזוינע מענטשן זענען מער געניט ווי אַנדערע, בײַם דערקענען ווען עמעצער זאָגט אַ ליגן, גיט איבער אַ נײַע שטודיע.

ווי אַ פּועל־יוצא זענען זיי אויך אפֿשר בעסערע פּאָקער־שפּילער.

אין אַ באַריכט פּובליקירט אינעם Journal of Personality דעם 8טן אַפּריל, האָבן צוויי ישׂראלדיקע פּסיכאָלאָגן, צחי אין־דור און עדי פּערי, דערציילט וועגן צוויי שטודיעס, וואָס ווײַזן, אַז וואָס מער אַ וואָלונטיר דריקט אויס זאָרג וועגן פֿאַרלאָזט ווערן, אַלץ בעסער דערקענען זיי אַ ליגן.

אין אַ דריטער שטודיע — פֿון האַלב־פּראָפֿעסיאָנעלע פּאָקער־שפּילער — האָבן די מענטשן וועלכע האָבן אויסגעדריקט מער זאָרג וועגן פֿאַרלאָזט ווערן, געוווּנען מער געלט ווײַל אַזוינע טיפּן קענען גיכער דערקענען אַ ”בלאָף“.

דער אויספֿיר שטימט מיט פֿריִערדיקע שטודיעס, וואָס האָבן אָנגעוויזן, אַז יענע יחידים, וועלכע זאָרגן זיך אַ סך וועגן פֿאַרלאָזט ווערן, זענען מער געניט בײַם דערקענען די ערשטע סימנים פֿון אַ צרה, און בײַם וואָרענען אַנדערע וועגן דער צרה.

Permalink | | Share | Email | Print

Top Stories

Back to נײַעס פֿאַר בני־בית

The Yiddish Daily Forward welcomes reader comments in order to promote thoughtful discussion on issues of importance to the Jewish community. In the interest of maintaining a civil forum, The Yiddish Daily Forwardrequires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not. While we generally do not seek to edit or actively moderate comments, our spam filter prevents most links and certain key words from being posted and The Yiddish Daily Forward reserves the right to remove comments for any reason.

Yiddish.Forward.com

באַזאָרגט — אָבער קלוג

Anxious – But Smart

פֿון שׂרה־רחל שעכטער

Top Stories