ייִדן לאַכן פֿון זיך אַליין

Self-Deprecatory Jokes

דעמאָלט

ווען משה רבינו האָט צעבראָכן די לוחות, האָבן אַ טייל ייִדן געכאַפּט די „עשׂה׳ס‟ און אַנדערע — די „לא תעשׂה׳ס‟.

און דעמאָלט טאַקע זײַנען אויפֿגעקומען די קאַטעגאָריעס: אָרטאָדאָקסן און רעפֿאָרמירטע…

מען שפּאַלט זיך

— פֿאַר וואָס האָט זיך דער ים געשפּאָלטן פֿאַר די ייִדן?

— ווײַל וווּ אַ ייִד שטעלט אַ פֿוס, ווערט אַ שפּאַלטונג…

ייִדישע גבורים

— צוליב וואָס האָט שלמה המלך געדאַרפֿט אַוועקשטעלן אַרום זײַן בעט אַזוי פֿיל שומרים, אַזש זעכציק „גבורי ישׂראל‟?

— טאַקע דערפֿאַר, ווײַל זיי זײַנען געווען ייִדישע גבורים…

ער היט זיך אויס

אין אַ לאַנדסמאַנשאַפֿט איז געווען אַן עלטערער ייִד, וואָס יעדעס מאָל, ווען אַ מיטגליד איז געשטאָרבן און מע האָט דעם ייִדן געבעטן ער זאָל זײַן איינער פֿון דעם קאָמיטעט, וואָס דאַרף מיטפֿאָרן צום בית־עולם, האָט ער זיך אָפּגעזאָגט. ווען דער פּרעזידענט פֿונעם פֿאַראיין האָט אים איין מאָל געפֿרעגט, פֿאַר וואָס ער וויל ניט מיטפֿאָרן, האָט ער געענטפֿערט: „ווײַל איך וויל זיך ניט וואַרפֿן דעם מלאך־המוות אין די אויגן‟…

קיין מאָל ניט געפּרוּווט

מע האָט געפֿרעגט אַ ייִדן, צי ער קען שפּילן אויף אַ פּיאַנע.

— איך ווייס? — ענטפֿערט ער, — איך האָב נאָך קיין מאָל ניט געפּרוּווט, אפֿשר קען איך.

Permalink | | Share | Email | Print

Top Stories

Back to עונג־שבת

The Yiddish Daily Forward welcomes reader comments in order to promote thoughtful discussion on issues of importance to the Jewish community. In the interest of maintaining a civil forum, The Yiddish Daily Forwardrequires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not. While we generally do not seek to edit or actively moderate comments, our spam filter prevents most links and certain key words from being posted and The Yiddish Daily Forward reserves the right to remove comments for any reason.

Yiddish.Forward.com