ייִדישע גנבֿים

Jewish Thieves

‬איר מעגט זײַן זיכער

אין אַ ייִדישער שטאָט איז געווען אַ מינהג, אַז ווען אַ גבֿיר פֿלעגט מאַכן אַ חתונה, פֿלעגט ער דינגען ברוכלען, אַ שטאַרקן חבֿרה־מאַן, צו היטן די זאַכן פֿון די געסט, אַז מע זאָל זיי ניט צוגנבֿענען. איין מאָל, בײַ אַזאַ חתונה, האָט זיך געמאַכט, אַז ס׳איז שוין געווען שפּעט אין אָוונט און ברוכל האָט זיך נאָך ניט באַוויזן. דער גבֿירישער מחותּן איז אַליין אַוועק צו אים — און האָט אים גאָר געטראָפֿן שלאָפֿן. וועקט אים אויף דער גבֿיר און זאָגט צו אים:

— סטײַטש, ברוכל, אַלע געסט זײַנען שוין דאָ, הײַנט ווי אַזוי קאָן מען זייערע זאַכן לאָזן אויף הפֿקר?

— נאַרישער ייִד, וואָס איר זענט, — ענטפֿערט ברוכל געלאַסן, — אַזוי לאַנג ווי איך שלאָף, מעגט איר זײַן זיכער, אַז בײַ אײַך אין הויז וועט קיין גנבֿה ניט געשען.

מען טאָר ניט חושד זײַן

וועגן דעם ציוניסטישן פֿירער שמריה לעווין דערציילט מען, אַז ער האָט אַ מאָל געזאָגט: אַ ייִד טאָר מען ניט חושד זײַן, אַז ער איז אַ גנבֿ. ער איז באַשטימט אַ גנבֿ…

‬אַ געוווינהייט

אַ גנבֿ איז אַ מאָל געזעסן אין תּפֿיסה, פֿלעגט ער אַרויסציִען יעדע נאַכט פֿון זײַן קישעלע אַ ביסעלע שטרוי. ווען די מיטזיצערס האָבן אים געפֿרעגט, פֿאַר וואָס ער טוט דאָס, האָט ער געענטפֿערט:

— איך וויל ניט פֿאַרגעסן מײַן פֿאַך…

‬ציוניזם

דאָס וואָרט ציוניזם איז פֿון לשון „ציִען‟, ווײַל די מלוכה „ציט‟ (גנבֿעט) כּסדר.

Permalink | | Share | Email | Print

Top Stories

Back to עונג־שבת

The Yiddish Daily Forward welcomes reader comments in order to promote thoughtful discussion on issues of importance to the Jewish community. In the interest of maintaining a civil forum, The Yiddish Daily Forwardrequires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not. While we generally do not seek to edit or actively moderate comments, our spam filter prevents most links and certain key words from being posted and The Yiddish Daily Forward reserves the right to remove comments for any reason.

Yiddish.Forward.com