צוליב צילן
װערט דאָס בילד באַלױכטן
מיט שטרענגע רעפֿלעקטאָרן
און די רעצענזיעס אָנגעשריבן
פֿון קאַטעגאָרישע װינקלען.
מיט צופֿאַלן
פֿאַרשפּעטיקן זיך די אײַזנבאַנען
און װיכטיקע אױפֿטוען
פֿאַרזאַמען.
ערגעץ אין צװישן
לעבט דאָס מענטשל.
אַמאָל להוט צו שפּירן
אַמאָל איבערצײַגט
אַז פֿאַרפֿאַלן.
אַ רונד פּנים באַגריסט אַ הײסע נאַכט.
צוליב סטרוקטור איז אַלץ געװאָרן װאַנט.
מחמת סדר האָב איך געגעבן אַכט.
מאַך מיך פֿאַר אַ סיג מיט דײַן האַנט.
אַ האַלבע װעלט צעפֿאַלט זיך — איז צעשטרײַט
בײַ מײַן פֿאַרשטאַנד. איך קען נישט תּופֿס זײַן
די שטענדיקײט פֿון שײנקײט, די טערפּקײט פֿון דײַן װײַן.
איך שטײ אין דרױסן, קוק אַהין אַרײַן.
אַ געװיקס איז אַ תּירוץ צו קושן די ערד.
מע לעבט נאָר פֿונעם אײַנגעזאַפּטן אין יענעם.
די זונענשײַן איז אַן אָפּגעצאָלטער חובֿ.
די לופֿט איז דײַן ערשט און דײַן לעצט מאַנטל?
The Yiddish Daily Forward welcomes reader comments in order to promote thoughtful discussion on issues of importance to the Jewish community. In the interest of maintaining a civil forum, The Yiddish Daily Forwardrequires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not. While we generally do not seek to edit or actively moderate comments, our spam filter prevents most links and certain key words from being posted and The Yiddish Daily Forward reserves the right to remove comments for any reason.