אַ קיצל צום לאַכן
Tickle My Toes
דער פּסחדיקער סענדוויטש
די מלחמה האָט געמאַכט אַ גאַנצע איבערקערעניש אין אונדזערע רעסטאָראַנען. מען האָט אָנגעהויבן דאָרט אָפּהיטן כּשרות און ייִדישקייט.
לויפֿט אַרײַן פּסח־צײַט אַ ייִד אין אַ רעסטאָראַן און גיט אַ זאָג צום קעלנער:
— מאַכט מיר אַ סענדוויטש פֿון חזיר אויף ברויט.
— אַנטשולדיקט, — ענטפֿערט דער קעלנער, — איך קאָן עס אײַך געבן אויף מצה, אָבער ניט אויף ברויט…
דער אַסיסטענט
מען דערציילט, אַז ווען דער באַרימטער מאַרטירער מענדל בייליס האָט זיך באַזעצט אין ניו־יאָרק, האָט ער געעפֿנט אַן אָפֿיס פֿון וואַנען ער האָט געשיקט בריוו צו רײַכע ייִדן אים צו העלפֿן אין זכות פֿון זײַן פֿאַרגאַנגענהייט. דערבײַ האָט ער אין זײַן אָפֿיס אָנגעשטעלט אַ יונגנמאַן אים אַרויסצוהעלפֿן אין זײַן קאָרעספּאָנדענץ. האָבן דעם יונגנמאַן עטלעכע פֿרײַנד זײַנע אַ מאָל געפֿרעגט:
— וואָס טוסטו דאָרט בײַ מענדל בייליס?
— וואָס הייסט? — האָט ער געענטפֿערט, — איך בין דאָך דער אַסיסטענט־מאַרטירער!
דער חילוק
— זאָגט מיר, וואָס איז דער חילוק פֿון אַן אַלטן בית־מדרש ביז אַ הײַנט־מאָדישן צענטער?
— גאָר פּשוט. אין אַ היימישן בית־מדרש זײַנען אַלע מאָל געווען נײַן ייִדן און מען פֿלעגט גיין זוכן נאָך אַ ייִדן, ער זאָל צום מנין זײַן דער צענטער. אין אַ מאָדערנער שיל איז בלויז געבליבן דער „צענטער‟, אָבער די נײַן ייִדן פֿעלן.
ער ווייסט ניט
אַ מאַן איז אומגעוואָרפֿן געוואָרן פֿון אַן אויטאָמאָביל אין גאַס. ווען אַ פּאָליציאַנט האָט אים געפֿרעגט, צי ער איז באַשעדיקט, האָט ער געענטפֿערט:
— איך ווייס ניט. איך מוז זיך פֿריִער זען מיט מײַן אַדוואָקאַט.
אין אויטאָבוס
האָט זיך אַ ייִד באַקלאָגט: „אין אויטאָבוס איז אַזאַ ענגשאַפֿט, אַז מע קען ניט אויפֿהייבן אַ האַנט אויף אויסרעדן אַ וואָרט‟.
Top Stories
The Yiddish Daily Forward welcomes reader comments in order to promote thoughtful discussion on issues of importance to the Jewish community. In the interest of maintaining a civil forum, The Yiddish Daily Forwardrequires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not. While we generally do not seek to edit or actively moderate comments, our spam filter prevents most links and certain key words from being posted and The Yiddish Daily Forward reserves the right to remove comments for any reason.
-
אַהיים
Home -
רעקלאַמעס
Advertise -
אַבאָנעמענטן
Subscribe -
תּנאָים און באַדינגען
Terms and Conditions -
פּריוואַטקייט־פּאָליטיק
Privacy Policy -
וועגן „פֿאָרווערטס‟
About -
וועבזײַט־מאַפּע
Sitemap -
אָפּטיילן
Sections -
ר. ס. ס.
RSS
Copyright © 2020, The Forward Association, Inc. All rights reserved.
