Oyneg Shabes
August 30, 2018, 11:36am

ווידעאָ: אַ ייִדיש ליד וועגן אײַנשלינגען גאָלדפֿיש

Video: A Yiddish Song About Swallowing Goldfish

  • Print
  • Share Share

אַהרן בענדיטש, אַ יונגער לייענער פֿונעם פֿאָרווערטס, פֿאַרברענגט אַ סך צײַט מיט זײַן 103־יעריקן זיידן, מאַקס. מאַקס, אַ קינד פֿון מיזרח־אייראָפּעיִשע ייִדישע אימיגראַנטן און אַ וועטעראַן פֿון דער צווייטער וועלט־מלחמה, געדענקט אָן אַ שיִעור ייִדישע לידער, אַרײַנגערעכנט ווייניק באַקאַנטע לידער פֿון דער אַמעריקאַנער ייִדישער בינע.

אַהרן האָט זיך געוואָנדן צו אונדז מיט דער פֿראַגע, צי מיר דערקענען אָט דעם ליד, וואָס זײַן זיידע האָט לעצטנס געזונגען. דאָס ליד האָט אַ מאָדנע טעמאַטיק: ס׳איז וועגן יונגע־לײַט, וואָס שלינגען אײַן גאָלדפֿיש. מה זה? ווײַזט זיך אַרויס, אַז אַזוי ווי ס׳איז, אַ פּנים, הײַנט אַ מאָדע בײַ געוויסע יונגע־לײַט אײַנצושלינגען „טײַד־פּאָדס‟, דאָס הייסט, וועשזייף אין קליינע קאַפּסולן, האָט די פּרעסע אין די 1930ער יאָרן געשריבן וועגן דעם פֿאַקט, וואָס יונגע־לײַט האָבן דעמאָלט כּלומרשט אײַנגעשלונגען גאָלדפֿיש לעבעדיקערהייט. און דאָס איז, ווי מע קען זען פֿונעם דאָזיקן ווידעאָ, געוואָרן די טעמע פֿון אַ ייִדיש ליד.

צי ווייסט איר נאָך אינפֿאָרמאַציע וועגן דעם ליד? שרײַבט kutzik@forward.com.


Back to עונג־שבת