Vayter
April 16, 2013, 5:15pm

די קיִעווער לערערין טאַניאַ באַטאַנאָוואַ

Ukrainian Teacher Tanya Batanova

פֿון גענאַדי עסטרײַך

  • Print
  • Share Share
טאַניאַ באַטאַנאָוואַ

אין 1992 האָט מען אין קיִעוו געעפֿנט אַן אוניווערסיטעט, וואָס הייסט „קיִעוואָ-מאָהיליאַנסקאַ אַקאַדעמיאַ‟ — אַזאַ נאָמען האָט געטראָגן אַ לערן-אינסטיטוציע, וואָס איז געשאַפֿן געוואָרן אין 17טן יאָרהונדערט. די רוסישע רעגירונג האָט זי פֿאַרמאַכט אין 1817. מע טענהט, אַז די נײַע אַקאַדעמיע פֿירט ווײַטער די טראַדיציע פֿון דער אַלטער, און דאָס רופֿט אַרויס אַ שמייכל בײַ אַ סך מענטשן. דאָך, ווערט די דאָזיקע נײַ-אַלטע אַקאַדעמיע אָפּגעשאַצט ווי איינער פֿון די בעסטע צווישן די 800 אוניווערסיטעטן און אַנדערע העכערע לערן-אינסטיטוציעס פֿון אוקראַיִנע.

מע לערנט אין דער „קיִעוואָ-מאָהיליאַנסקאַ אַקאַדעמיאַ‟ אויך ייִדישע לימודים, ווי אויך ייִדיש. די לערערין פֿון ייִדיש, טאַניאַ באַטאַנאָוואַ, איז ניט קיין ייִדישע. די 28־יאָריקע היסטאָריקערין שטאַמט פֿון אַן אוקראַיִנישער משפּחה. אַזעלכע פֿאַלן, ווען ניט-ייִדן לערנען ייִדיש, טרעפֿן זיך זייער אָפֿן הײַנטיקע טעג, בפֿרט אין אייראָפּע. אָבער אין אוקראַיִנע איז אַזוינס, אַ פּנים, נאָך ניט געווען.

באַטאַנאָוואַ האָט אויסגעלערנט ייִדיש, ווען זי איז אַליין געווען אַ סטודענטקע פֿון דער אַקאַדעמיע. איר לערערקע פֿלעגט קומען יעדע וואָך פֿון כאַרקאָוו. אַ ביסל האָט איר געהאָלפֿן דײַטש, וואָס זי האָט אויך געהאַט געלערנט. אָבער זי זאָגט, אַז דײַטש איז פֿאַר איר געווען אַ „האַרטע און פֿרעמדע‟ שפּראַך, בעת ייִדיש האָט געקלונגען ווי אַן „אייגן‟ לשון.


Back to ווײַטער