Oyneg Shabes

דאָס ליד פֿון בעסאַראַביע

The Song of Bessarabia

פֿון איציק גאָטעסמאַן

  • Print
  • Share Share

אין זײַן געזאַנגבוך האָט דער גרויסער זינגער סידאָר בעלאַרסקי געשריבן, אַז דאָס ליד האָט געשאַפֿן איציק מאַנגער, און פֿון דעמאָלט אָן, גיט מען דעם קרעדיט מאַנגערן, אָבער אין דער אמתן איז דער מחבר משה פּינטשעווסקי. בײַ אים הייסט דאָס ליד „איך האָב געקענט…‟ און עס געפֿינט זיך אין זײַן ערשטער זאַמלונג „צוויט‟, אַרויסגעגעבן אין בוענאָס־אײַרעס, אין 1916.

מע קען לייענען דאָס אָריגינעלע ליד אויף דער וועבזײַט פֿונעם „ייִדישן ביכער־צענטער‟

http://www.archive.org/stream/nybc209257#page/n56/mode/2up

משה פּינטשעווסקי איז געבוירן געוואָרן אין טעלענעשט, בעסאַראַביע, און געוווינט עטלעכע יאָר אין אַרגענטינע. עס האָט זיך אים אָבער פֿאַרבענקט אַהיים, וואָס איז שוין דעמאָלט געווען סאָוועטן־פֿאַרבאַנד; האָט מען אים אַרעסטירט אין 1948 און ער איז „רעהאַביליטירט‟ געוואָרן אין 1955. אינעם זעלבן יאָר איז פּינטשעווסקי געשטאָרבן. דעם 12טן אויגוסט האָט מען דערמאָנט די שרײַבער, וועלכע האָבן געליטן אונטערן סטאַליניסטישן רעזשים, און פּינטשעווסקי איז געווען איינער פֿון זיי.

אין 1984, ווען דער בעסאַראַבער פּאָעט מאיר חרץ איז געקומען צו אונדז צו גאַסט אין בראָנקס, האָט מײַן מאַמע געזונגען דאָס ליד, און חרץ האָט דעמאָלט געזאָגט, אַז אַלע מיינען, אַז ס‘איז מאַנגערס ליד, אָבער אין דער אמתן איז עס פּינטשעווסקיס. חנה מלאָטעק האָט די ידיעה אָפּגעדרוקט אין איר רובריק „לייענער דערמאָנען זיך‟, אָבער ביז הײַנט ווערט מאַנגער אָפֿט אָנגעגעבן ווי דער מחבר. בעלאַרסקיס רעקאָרדירונג געפֿינט זיך אין זײַן אַלבאָם „Sidor Belarsky Sings 20 Yiddish Songs‟.


Would you like to receive updates about new stories?






















We will not share your e-mail address or other personal information.

Already subscribed? Manage your subscription.