Oyneg Shabes

לעבנס־אַקסיאָמען און געזעצן

Rules for Living

פֿון מיכאל פֿעלזענבאַום

  • Print
  • Share Share

באַלזאַקס אַקסיאָם

הינטער יעדן גרױסן פֿאַרמעגן באַהאַלט זיך אַ פֿאַרברעכן.


די אַקסיאָם פֿון מיסטער קאָול

די אַלגעמײנע סומע פֿונעם אינטעלעקט אױף דער װעלט בלײַבט תּמיד די זעלבע, כאָטש די צאָל מענטשן אױף דער װעלט װערט אַלץ גרעסער.


װײלער־געזעץ

עס איז ניטאָ קײן „אוממעגלעכס‟ פֿאַר יענע מענטשן, װעלכע דאַרפֿן „דאָס‟ ניט טאָן.


גריזאַרדס פּרינציפּ

נאָר דער הונט, װעלכער לױפֿט אין שפּיץ פֿונעם געשפּאַן, דערזעט די ענדערונגען אינעם מאַרשרוט.


שערלי־געזעץ

ס‘רובֿ מענטשן האָבן ווערט אײנער דעם צװײטן.


סידס געזעץ

עס איז אוממעגלעך צו געװינען אַלע שפּילן, אױב דו געװינסט ניט דעם ערשטן מאַטש.


כאַלאַטאַס געזעץ

כּדי גוט אױספּלאַנירן אַן אורלױב, דאַרף מען “אָפּזיצן” אין דער אינטערנעץ מער צײַט, װי עס דױערט דער אורלױב אַלײן.


סטיצערס פּרינציפּ

אַז איר גרײט זיך פֿאָרן אין אורלױב, נעמט מיט זיך מיט צװײ מאָל װײניקער זאַכן, און צװײ מאָל אַזױ פֿיל געלט, װי איר האָט פֿאַרפּלאַנירט צו נעמען.


אַרנאָלד טױנס פּרינציפּ

אױפֿן געביט פֿון די רעליגיע־ענינים איז זײער גרינג צו פֿאַרפֿירן די גאַנצע װעלט, אָבער עס איז זײער שװער אַרױסצופֿירן די מענטשן פֿונעם טעות.


דולי־געזעץ

פֿאַרטרױט יעדן אײנעם, נאָר האַלט די „קאָרטן‟ אינעם אַרבל.


מאַרי־געזעץ

פֿרעגט קײן מאָל ניט בײַם פּאַריקמאַכער אַן עצה, צי איר דאַרפֿט זיך אונטערשערן.


דאָס געזעץ פֿונעם לעבנסװעג

אױב אײַער לעבנסװעג איז גאָר אַ גלאַטער, הײסט עס, אַז איר גײט מיט ניט קײן ריכטיקער סטעזשקע.


הײַנריך הײַנעס געזעץ

מע דאַרף מוחל זײַל יעדן שׂונא, אָבער ניט פֿריִער װי מע װעט אים אױפֿהענגען.