No Place Like Home

לאַקס מיט בלעטערקרויט

Salmon on Kale

פֿון שׂרה־רחל שעכטער

  • Print
  • Share Share

2 לעפֿל איילבערט־בוימל

1 גרויסע ציבעלע, צעשניטן

1/8 לעפֿעלע שאַרפֿע פֿעפֿער־בלעטעלעך

2 ציינדלעך קנאָבל, צעהאַקט

1 לעפֿעלע טימיאַן אָדער באַזיליק

2 - 3 טעפּלעך צעשניטענער בלעטערקרויט

1 לעפֿעלע געריבן לימענע־שאָלעכץ

זאַפֿט פֿון 1 לימענע

1/4 טעפּל ווײַסער ווײַן

זאַלץ און שוואַרצער פֿעפֿער, לויט אײַער געשמאַק

2 לאַקס־פֿילעען

הייצט אָן דעם בוימל אין אַ גרויסער פּאַטעלניע איבער אַ מיטעלן פֿײַער.

פּרעגלט די ציבעלע מיט די פֿעפֿער־בלעטעלעך 5 מינוט.

גיט צו דעם קנאָבל און טימיאַן אָדער באַזיליק און פּרעגלט נאָך 1 מינוט.

מישט אַרײַן דעם בלעטערקרויט און קאָכט עס 2־3 מינוט, ביז עס ווערט אַ ביסל אײַנגעשרומפּן. גיט צו דאָס געריבענע לימענע־שאָלעכץ, לימענע־זאַפֿט, ווײַן, זאַלץ און פֿעפֿער.

לייגט די 2 לאַקס־פֿילעען אין אַ טעלער און באַזאַלצט און באַפֿעפֿערט זיי. לייגט זיי אויפֿן בלעטערקרויט אין דער פּאַטעלניע, מיט דער הויט פֿון אונטן.

פֿאַרקלענערט דאָס פֿײַער. דעקט צו די פּאַטעלניע און לאָזט עס מליִען בערך 6 מינוט, ביז דער לאַקס ווערט גענוג דורכגעקאָכט.

צעטיילט דעם בלעטערקרויט אויף צוויי טעלער און איבער דעם — לייגט די פֿילעען. דערלאַנגט עס צום טיש הייסערהייט אָדער בײַ דער שטוב־טעמפּעראַטור.


Would you like to receive updates about new stories?






















We will not share your e-mail address or other personal information.

Already subscribed? Manage your subscription.