אַ שבת־שפּיל פֿאַר גרויס און קליין
A Shabbos Game For All Ages
ווען פּאָרפֿעלקער מיט קינדער פֿאַרבעטן געסט אויף אַ שבתדיקער מאָלצײַט, איז אַ מאָל שווער צו פֿירן אַ שמועס, ווײַל די קינדער קענען נישט תּמיד אײַנזיצן, און מע דאַרף זיך מיט זיי פֿאַרנעמען. דאָס איז חל נישט בלויז אויף קליינע קינדער, נאָר אויך אויף דערוואַקסלינגען פֿון 13 ביז 16 יאָר, וועלכע פֿאַראינטערעסירן זיך נישט תּמיד מיט די שמועסן פֿון זייערע עלטערן.
טאַקע דערפֿאַר האָט דוד זאָלער, אַ גרונט־סוחר אין דאַלאַס, טעקסאַס, באַשלאָסן צו שאַפֿן אַ שפּיל, וואָס די גאַנצע משפּחה — און אַפֿילו די געסט — קענען זיך באַטייליקן. די שפּיל הייסט Shabbat Showdown (שבתדיקער פֿרעג־געשלעג), און באַשטייט פֿון קאַרטלעך מיט פֿראַגעס, וואָס מע שטעלט פֿאַר די שפּילער, אַזוי ווי די שפּיל־פּראָגראַמען אויף טעלעוויזיע. די שאלות נעמען אַרײַן פֿאַקטן וועגן דער סדרה פֿון דער וואָך, די העלדן פֿון תּנ״ך, יום־טובֿים, מיצוות און תּפֿילות.
צוליב דעם וואָס מע שפּילט דאָס שבת, לייגט זאָלער פֿאָר מעגלעכקייטן, ווי אַזוי צו האַלטן דעם חשבון אויף אַ „כּשרן‟ אופֿן. אַנשטאָט צו פֿאַרשרײַבן די פּונקטן וואָס די שפּילער האָבן שוין אָנגעזאַמלט, האַלט יעדער זײַן אייגענעם חשבון דורך אַרײַנלייגן אַ לייען־צייכן אין אַ בוך אָדער בענטשער, אויף דער זײַט פֿונעם ציפֿער.
בעת אַן אינטערוויו מיטן „פֿאָרווערטס‟, האָט זאָלער דערציילט, אַז ער איז נישט דערצויגן געוואָרן אין אַ פֿרומער היים, אָבער הײַנט היט ער שבת און שיקט זײַנע קינדער — בענדזשי, וועלכער איז 16 יאָר אַלט, און סאַמי, 14 יאָר — אין אַ ייִדישער טאָגשול. „מײַנע קינדער ווייסן אַ סך מער וועגן דעם ייִדישן גלויבן ווי איך אין זייערע יאָרן,‟ האָט ער באַמערקט.
זאָלער האָט צונויפֿגעשטעלט די שפּיל בשותּפֿות מיט הרבֿ דזשאָו הירש, אַ לערער פֿונעם פֿערטן קלאַס אין דער „עקיבֿה־אַקאַדעמיע‟ — אַ 50־יאָריקע מאָדערן־אָרטאָדאָקסישע עלעמענטאַר־שול מיט בערך 300 קינדער. זײַן פֿרוי, סיסי בלאָק זאָלער, האָט געהאָלפֿן רעדאַגירן די פֿראַגעס, כּדי ייִדן פֿון אַלע רעליגיעזע שטראָמען זאָלן זיי פֿאַרשטיין.
צו באַשטעלן די שפּיל, שרײַבט זאָלערן אויף דעם בליץ־אַדרעס:
Top Stories
The Yiddish Daily Forward welcomes reader comments in order to promote thoughtful discussion on issues of importance to the Jewish community. In the interest of maintaining a civil forum, The Yiddish Daily Forwardrequires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not. While we generally do not seek to edit or actively moderate comments, our spam filter prevents most links and certain key words from being posted and The Yiddish Daily Forward reserves the right to remove comments for any reason.
-
אַהיים
Home -
רעקלאַמעס
Advertise -
אַבאָנעמענטן
Subscribe -
תּנאָים און באַדינגען
Terms and Conditions -
פּריוואַטקייט־פּאָליטיק
Privacy Policy -
וועגן „פֿאָרווערטס‟
About -
וועבזײַט־מאַפּע
Sitemap -
אָפּטיילן
Sections -
ר. ס. ס.
RSS
Copyright © 2020, The Forward Association, Inc. All rights reserved.
