No Place Like Home

מערן געבראָטן — נאָר נישט אין אויוון

Roasting Carrots Outside the Oven

פֿון שׂרה־רחל שעכטער

  • Print
  • Share Share

1/2־1 פֿונט (680 גראַם) מערן

1/2 טעפּל יויך

4 לעפֿעלעך איילבערט־בוימל

זאַלץ און שוואַרצער פֿעפֿער, לויט אײַער געשמאַק

1/4 טעפּל צעשניטענע מינץ־בלעטער

1/4 טעפּל צעשניטענע פּעטרישקע

2 לעפֿעלעך לימענע־זאַפֿט

1/2 לעפֿעלע צעריבן לימענע־שאָלעכץ

צעשנײַדט די מערן באלכסון (דיאַגאָנאַל), אין שטיקלעך, די לענג פֿון 3 צאָל (7.6 צענטימעטער).

קאָכט די מערן, יויך און 1 לעפֿעלע בוימל אין אַ גרויסער פּאַטעלניע איבער אַ מיטל־הויכן פֿײַער, ביז עס זידט.

דעקט צו די פּאַטעלניע, פֿאַרקלענערט דאָס פֿײַער און קאָכט די מערן, ביז זיי ווערן ווייך — 12־14 מינוט. נעמט אַראָפּ דאָס דעקל, און מישט די מערן, ביז דאָס גיסעכץ וועפּט זיך אויס, און די מערן ווערן ליכטיק־ברוין, בערך 2־3 מינוט. באַזאַלצט און באַפֿעפֿערט זיי.

אין אַ באַזונדער שיסעלע, מישט צונויף די צעשניטענע מינץ־בלעטער, פּעטרישקע, לימענע־זאַפֿט, צעריבן שאָלעכץ און 3 לעפֿעלעך בוימל. באַגיסט די מערן מיטן געווירצן־געמיש און דערלאַנגט צום טיש.