- yiddish.forward.com

January 17, 2014, 3:57pm

Apocrypha (8)

מלאכים אויפֿן ים־המלח

ווײַסע מלאכים בײַם טויטן ים
געלאַנדעט פֿון הימל, ווי דעסאַנט פֿון צה‟ל.
זיך צעלייגט אויפֿן זאַמדיקן ברעג און צעשפּרייט
די פֿליגלען צו רוען נאָכן הויך־ווײַטן וועג.

Permalink | | Share | Email | Print

December 12, 2013, 4:15pm

Apocrypha (6,7)

ירושלים אין די פֿאָרכטיקע טעג תשע־ג

ירושלים הערט זיך צו צום מידבר,
צום שאָרך פֿון זאַמדן אונטער קעמלס טריט,
וואָס אויף די הויקערס דורך דורות,
דאָס וויגעלע פֿון צײַטן וויגט.
דער ניגון נודנער בעדויִנער,
ווי רויטער פֿאָדעם ציט זיך דין;
פֿאַרבינדט דעם הײַנט מיט שבֿטים ווײַטע
דאָס תּפֿילה־קול פֿון מועדזין.

Permalink | | Share | Email | Print

November 14, 2013, 1:00pm

אַפּאָקריפֿן (4, 5)

Apocrypha (4,5)

פֿון באָריס סאַנדלער

אַ רעטעניש פֿון שולמית

די אָפּגעבליטע סעדער זאָגן פֿרוכטן צו.
די אויסגעלייענטע ספֿרים — חכמה.
און וואָס זאָגט צו דײַן קוש?

Permalink | | Share | Email | Print

October 21, 2013, 11:43am

אַפּאָקריפֿן* (1 — 3)

Apocrypha

פֿון באָריס סאַנדלער

אין ברונעם־דנאָ פֿון צײַט

אַ קינד, האָב איך אַרײַנגעקוקט אין ברונעם
צום ערשטן מאָל אין לעבן, ווי עס טרעפֿט;
און ווי שפּאַקטיוו פֿון זייגער־מאַכער בומע,
וואָלט איך אין אויג אַרײַנגעדרייט געפּלעפֿט.

די טיפֿקייט האָט פֿאַרשלעפּט אַראָפּ מיך האַסטיק,
דערטאַפּט מײַן בליק דעם שפּיגל פֿונעם דנאָ.
מיט פֿאַרבן פֿון אַ רעגנבויגן זאַפֿטיק
אַנטפּלעקט האָט זיך אַ בילד, ווי אין קינאָ.

Permalink | | Share | Email | Print

About