Beyle Schaechter-Gottesman

אַ ליד, אַ וואָרט, אַ ניגון

A Song, a Word, a Melody

פֿון ביילע שעכטער־גאָטעסמאַן

אַ ליד, אַ וואָרט, אַ ניגון,
וואָס פֿלעכטן זיך צוזאַמען,
פֿאַרבן, קאָלירן שימערירן
אַ געפֿלעכט, אַן איינס אין גראַמען.
ווי אַנדערש וואָלט געגאָלטן
דעם אייבערשטנס געשטעל,
ווען נישט אָט די העלפֿערס,
דער האַרמאָנישער וועלט־געטרעל.
איך האַלט צוויי ליידיקע קאַנען
צום ברונעם — כ‘בין געקומען.
נאָר טיף אין ברונעמס טהומען
פֿינקלען, בלישטשען, שטראָמען,
יאָ, פֿינקלען, בלישטשען, ווינקען,
גראַמען.
2013


אַ ווײַס בלימעלע

A Little White Flower

פֿון ביילע שעכטער־גאָטעסמאַן

אַ טאָג אַ ווײַס בלימעלע אין האַנט —
ס‘האָט געשמייכלט צו מיר,
כ‘האָב געשמייכלט קריק,
אַ ווײַס בלימעלע גליק.
אין זײַן בליק אויף דער לײַוונט זיך צעשײַנט
אויף די בלעטער פֿון אַ ביכל
איך ווייס נישט וואָס איך שמייכל
אין אַ גראָען רעגנטאָג
האָב איך געעפֿנט די טיר
און די זון האָט געשמייכלט אין
מײַנע ד אַמות.
האָב איך אויסגעמעקט מיט איין שטראָך
די אייביקע נאַכטישקייט
און געשוווירן גלייבן אין דעם ווײַסן בלימעלעס פֿרייד.
2013


Would you like to receive updates about new stories?






















We will not share your e-mail address or other personal information.

Already subscribed? Manage your subscription.